Superhero
Leis
cho math ’s a chaidh le Catrìona
’s na Colourists, thàinig Catrìona NicilleDhuibh
còmhla ri MacTV gus dàrna film aithriseach leathuair
a thìde a dhèanamh.
’S i a’ gabhail iongnadh nach eil sàr-ghaisgeach
beothaichte Gaidhealach ann, a dh’ainneoin na th’ againn
de sgeulachdan, tha Catrìona a’ cur roimhpe a’ chùis
a chur ceart. Tha i a’ lorg Gaidhil aig a bheil diofar sheòrsaichean
caitheamh beatha agus a’ faighneachd dhaibh ciamar a chitheadh
iad sar-ghaisgeach beothaichte Gaidhealach.
Tha Catrìona a’ bruidhinn ri daoine a tha eòlach
air ealain, air bàrdachd, air poileataigs agus air iasgach.
’S i a’ tarraing fad an t-siubhail, chan eil i fada a’
togail dealbh de na gaisgich ’s na blaigeardan ann am mac-meanmna
Gàidhlig an latha an-diugh.
Mu dheireadh tha i a’ lorg a sàr-ghaisgeach: Sgàthach,
a’ bhanrigh bhorb Sgitheanach aig na sgeulaichean. Tha Catrìona
a’ cur car san sgeul ás an latha an-diugh: tha Sgàthach
a’ dìon An Dòigh Gàidhlig le arm dìleas
de ghràinneagan Uibhisteach.
Anns a’ chiad eachdraidh luath-ghluasadaich mu Sgàthach,
tha a’ bhana-ghaisgeach a’ strì ri Poacherman dona,
blaigeard lannach aig a bheil gràin do-thuigsinn do dh’iasg.
Chaidh Superhero a shealltainn mar phàirt den t-sreath
ealain Ealtainn air BBC2 Alba ann an Dàmhair 2005.
